أكلت القدره الفلسطينية


مقاديرها كالتالي

طبعا على حسب حجم عائلتكم

1 راس بصل

2 كاس رز بسمتي

كيلو لحم او عوضا عنه دجاجه للي ما يحب اللحم

2 راس توم بقشره

نصف كوب حمص حب مسلوق

ملح و بهارات و كمون

الطريقه

تجيب البصل تقطع 4 اقسام و تقلبه بالزيت و تحط معاه عوين قرنفل و عود قرفه

و حبتين هيل و تقلبهم و تقلب اللحم او الدجاج معهم ثم تضيف عليهم الماء لتسلقه

و تحط عليهم الملح

بعد ما يستووا تطلع الدجاج او اللحم من القدر و تشويه في الفرن و تترك المرقه عشان حنستخدمها

الحين تجيب التوم بقشره راسين كاملين مو فصين تفكهم عن بعض و تقلبهم بزيت

و بعدين تقلب الحمص المسلوق مع التوم و تضيف الرز و تقلبه

لين يصير لونه دهبي من لون التوم و تحط كمون مقدار ملعقتين صغار

و بعدين تضيف المرقه عليه و تتركه يستوي على نار هاديه تكون اللحمه استوت

الحين تفتح بنصف الرز حفره و تحط اللحم فيها

و تغطي عليها بالرز و تلفي القدر بمفرش و تحطها في الفرن

و يكون الفرن مو شغال بس فيه حراره من شوي اللحم يعني يكون دافي

و تتركه فتره قليله يعني 10 دقايق و تسكبها في صحن مفرود و تزينه باللوز المقلي

و طبعا يتقدم معاها سلطه و لبن .



والف صحة وعافية على قلوبكم