ياكثر اسئلتكم بس ماعلي رح اجاوب وانشاء الله ارضيكم.
اول شي استاذي.,.
1 / عبري عن نفسك في خلال سطرين ؟
اسمي مريم المنصوري عايشة بالامارات وتحديدا بالعين دار زايد
حاليا انا بآخر سنه ثانويه عامه (ادعولي) من هواياتي الرسم بالرصاص
والتخطيط بالخط واحب الاستماع للأغاني كثيرا واموت بالسعوديه خاصه .وطبعي شوي عصبيه (مادري اذا بيطلع سطرين)

2 / عندما تسمعي مثل (( الحياه حلوه )) ماذا يخطر ببالك ؟
يمكن على كثر الاشياء المحزنه اللي مرت فيني اتذكرها ومرات اتذكر الاشياء الحلوه واولها تخرج اخوي من الكليه لما امي صارت تبكي .
3
/ لو كنتي مشرفة او عضوه مجلس ادارة ,, ماذا ستفعلي لتطوير هذا المنتدى ؟

اااه :اول شي رح احط شات كتابي واغير شكل المنتدى كل ثلاث شهور واسوي مسابقات شهريه بحيث يتفاعلون معاي واكيد رح اقدم اوسمة للي توهم معانا او بمعنى اخر يدش كل يوم يهتم بالمنتدى ويشارك
ورح انزل قسم جديد يحتوي على مشكلات الاعضاء مع بعضهم البعض لانه الواحد مايعرف وين يحطهن .....الصراحه في افكار وايد معاي بس الله يسمع منك.

4 / ما أسوء حدث بحياتك ؟
اكيد وفاة صاحب السمو الشيخ زايد رحمه الله بانيها ومؤسسها لانه الكل انصدم بهالخبر
بس كل واحد مصيره بالاخير الموت والله يغفر لجميع المسلمين.

5 / هو ماهو السوال اللي ترفضين اجابته ؟
ماعرف على حسب السؤال والله .

6 / متى اخر مرة زعلت انساااااان عزيز على قلبك وليه زعلته واشلون راضيته؟؟

الصراحه اختي اصلا الحلاوه اللي بالثلاجه مالتها بس انا كليتها بدون ماتعرف هههههه بعدين عرفت اني انا وقالت مارح اكبلمك وطبعا رح تدفعين ضعفها بس انا اشنرتلها من السيتي سنتر كرتون ليز اصفر وكرتون سنكرز وحلاوه غيره وفرحت وايد .

7 / كم منتدى تكتبي فيه واي واحد مهتمه به بجد؟؟؟
الصراحة هذا المنتدى ومنتدى اماراتي بس المنتدى الثاني ماادخله لبطأه الشديد فانا اطفر وتصدق مشاركاتي فيه بس 6.

8 / ما هو القرار الذي اتخذتيه وندمتي عليه؟ ولماذا ؟

طبعا يوم يكون علي امتحان الشك وعدم الثقه مع اني حاسه انه صح اروح اغيره ويطلع غلط واتندم عليه وللعلم مره كان علينا امتحان فيزيا وكان فيه اختيار رسمة وانا هخترتها صح لما كانو البنات يغشون اسمعهم يقولون الرسمه الثانيه وانا حاطه الاولى رحت اغيرها(مامصدقه حد يغششني )مع اني والله اعرف انها الاولى بس الشك وراي وراي..

9 / ما هو هدفك في الحياه؟
اخلص الجامعه واشتغل الوظيفه اللي اريدها(اكيد بالحظ)انشاء الله

10 / لو اضطرتك الظروف " لا سمح الله " تتركي المنتدى ؛ شبيكون شعوركي وشنو

راح تبرري موقفك من أعضائه اللي ما راح يسمحون لكي أصلاً ؟
اول شي رح اكون متضايجه اكيد وميته قهر للعلم عندي اوقات فراغ وايد بس اكيد مارح اتركه وانشاء الله اقدر اكمل معاكم اما موقفي رح اقوله اي شي بالصدق اللي حصلي واكيد رح يتفهم ...وخاصه الحين يمكن اتغيب شويه علشان ارركز بدراستي اكثر تعرفون اخر سنه محصود 12سنه دراسه لازم يطلع شي .

اخيرا خلصت :

رح اجاوب على اسئلة الملثم:
1- هل فيك الجراءه تصارحي من تحبي ..وامام الكل..

انا اصلا طبعي جريئه والصراحه اكثر (اثنين اميلهم هم استاذي الغالي وجروح)اما الاعضاء والمشرفين الباقيين اكيد لهم معزه خاصة بقلبي وماريد حد يزعل مني.,’,.؟

2-كيف تعرفتي على منتديات ليال
الصراحة كنت اطلع بطايق وطلعلي الموق وعجبني بعدين دخلت المنتدى وعجبني اكثر واشتركت

للعلم اني والله العظيم مااعرف احد منكم شخصيا فيس تو فيس .

3- السر لبقائك في منتديات ليال...
يمكن الاعضاء والمشرفين احس انهم كثير طيبين في تعاملهم معاي والله يتمم هالمحبه على خير ..

وسلامتكم