لاتغيب
لاتزوّدني نحيب
وانتَ تدري
انك اغلى من دخل قلبي
وسمّيـته حبيب
لاتبكّي الليل فـ بْعَادك حبيبي
وتاخذ القمره وتغيب
ولاتزيد الروح غربه
فوق غربه
وتبعد وتصبح غريب
لاجل هذا
جيت انادي شوق قلبك
لايصد ولايغيب
انت تدري في بعادك وش يصير
النجوم اطّيِح
لو عنّي رحلت
والغيوم تصيح
لو منّي زعلت
ولوهجرت وصرت اناني
يختنق صوت الاغاني
والاماني تصير اسلاك وتغطّي
كل اطراف المواني
وتجبر النورس يغيب
لجل هذا
جيت لك كلي انا
ارتجيك بحبّنا
وارتجي قلبك الوافي
لايصد ولايغيب
انت تدري
لو علي قلْبك قسـى
وطار عن غصني غرامك
وقال ابنْسَـاك ... ونسى
تمطر عيون المسـا
ليل ..واحزان .. واسى
وينقلب وجه السما
في وجهي شاحب
وكل غيـومـه
تبتدى بلحظه تعاتب
ويتناثر في وسط ليلي الكئيب
دمع حرّاق ولهيب
لجل هذا ياحبيبي
جيت اقول اليوم
تكفى لاتغيب
ولو تدري في بعادك
ياحبيبي وش جرى
كفّنَت روحي فرَحْهَا
وانت قلبك مادرى
والبست لـ ْسود عيوني
والي مايدري درى
وانت غايب
يابعد كل الحبايب
ومادريت بقلب ذايب
يرتجيك وماتجيب
يحتريك وكل مره
يرجع وظنّه يخيب
لجل هذا ياحبيبي
جيت اقول اليوم
تكفى
ارجع وخلك قريب
ولاتغيب
انت تدري
لورجعت لقلب خِلّك ياحنون
بتكْسر الصمت الي يصرخ
بين همي والظنون
بتمسح بمنديل وصلك
كل دمْعَات العيون
وبيرجع الطير الي حالف
عن عيوني مايغيب
يرجع يغرّد حبيبي
فوق هالغصن الرّطيب
لجل هذا
وكل هذا
جيت اقول اليوم
ارجع عن قرارك
ياحبيبي لاتغيب
أنت غير مسجل في منتديات ليـــال . للتسجيل الرجاء اضغط هنـا 
.×. [ لاتـغـيــــــــب ] .×. 
