امك تناظرك وتضحك ياااترى شنو السبب..؟؟؟؟

السلام عليكم ورحمه الله وبركاته

لو مثلا انتي كنتي طفشااااانه ونايمه الظهر ويوم صحيتي
لقيتي اهلك صاحين وجالسين يتغدوون قمتي جلستي معهم
وانتي واصلة معك .الا امك تناظرك وتضحك وتتبسم وانتي كل شوي تعّدلين بشكلك و تحسين فيك شي غلط ( وحده ماهي واثقه في نفسها )

ويوم خلص ابوك من الغداء وقام هو واخوانك
التفتت عليك امك وقالت لك : مبرووووك يابنيتي
انتي : مبروووك على ايش (طفشانه ومالك خلق )

امك : اليوم كلمتني حرمه تبيك

طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول وبتقولين

انتي : وش تبي الحرمة (انواع الاستهبال) ههههاي

امك : تبيك تكنسين حوشهم وش تبي يعني تصور مع خشتك ( الام خفيفة دم )
انتي : يعني تبي تخطبني (بريئة مرة )

امك : ايه وش قلتي
انتي : ماابغى اعرس (مسوية قوية وماهمك)
امك : طيب برسله لبنت خالك ( حشا صاااار ايميل مو ولد )
انتي : ياحليلك يمه تراني امزح على طول تصدقين
المهم بعد يومين دقت ام المعرس

ام المعرس : الووووو (متحمسة) وولدها جنبها
امك : الوووووو
ام المعرس : وشلونكم
امك : طيبين ام المعرس : وش قلتوااااااا
امك : موافقين
ام المعرس : اجل ترى يوم الخميس بيجي ولدنا يشوووف بنتكم امك : اوكي ( عادي عند امك متطورة )


المهم خلصوووووو وانتي بدا قلبك يقول طربق طربق طربق اليوم الاثنين ويوم الخميس قريب انتي طبعا خايفه يقول المعرس بعدين اهم شي الاخلاق


السؤال هو وش راح تسوين من يوم الاثنين إلى يوم الخميس
ويوم الخميس بالذات

ارجوا الصراحة في الرد يا اخواتي الغاليات؟؟؟؟؟؟

ولكُنّّ خالص تحياتي وتقديري