ما هو بيدي أبعد عن عيونك وأروح

هذه خاطرة نثرية تحمل معاني الحب المؤلم والمشاعر الصادقة العذبة ..
ولكن حب يحتضر ويودع كل اللحظات ..
أنثر أوراق شعري فوق قبري ..
بعد موتي ..
بلل تراب المقابر بالدموع ..
أحضن أطياف الرحيل بلا رجوع ..
سامحني وحللني ..
أذكر حب ساكن بالضلوع ..
بعد موتي ..
احضر ليلة رحيلي ..
شاركهم في غسيلي ..
لا تغيب .. وعلمهم من تكون ..
قول إنك ساكن دايم في عيوني ..
علمهم كيف عشنا الحب وهمه ..
كيف ذبنا واحترقنا ..
وذا الزمن قاااسي ما يهمه ..
علمهم كيف هالعمر ما يعرف يحن ..
وعلمهم كم سهرت الليل ..
من جرحك أون ..؟؟
علم أمي وش مكااانك بقلبي ..
علمها إنك أجمل من لقيت ..
وإن كان الحب غلطة ..
فأنت أحلى ما غلطاتي ..
بعدها يا أجمل أيام العذاب ..
وأول وآخر حب عشته في غياب ..
احمل نعشي معاهم للقبور ..
وادفن قلب حبك ..
وما لقى غير التجافي والصدود ..؟!
بعد موتي ..
عيش أيامك بسعادة وسرور ..
جعل دنيا أنت فيها ..
كلها فرح ونور..
واذكرني ..
واذكر من حبك موت ..
وفى وأخلص بحبه ..
لين ضمه الموت ..
كنت أصدق من عرفت..
وكنت أعذب من ذبح قلبه ..
وهده لين مات ..
سنين عمر تفوت وانت انت
باقي ذيك العيون ..
اللي خذتني يمها ..
وعشت العمر في همها ..
ما همها ذاك الطريح ..
اللي من حبها صار جريح ..
تصدق ..
حتى وأنا في آخر أيامي ..
شايل همك معاي ..
وش تسوي بعد موتي ..
يا ترى بتلقى حبيبه يوده..
ياهل ترى بتحبه..
تستغرب ..
لو قلت لك ما همني ..
كل اللي أتمناه بعد موتي ..
حياة تسعدك ..
وعن كل هم يبعدك..
لكن ..
عندي رجااااا بس أطلبه ..
مابين قلبك والحشا ..
حط لي مكان صغير..
اذكرني لا قسا وقتك..
وهدك زمانك ..
يا منبع بحور الحنان ..
بستسمحك..
رااااحل أنا عن دنيتك ..
ما هو بيدي أبعد عن عيونك وأروح ..
لكن قدر في وسط لوح ..
إني أموت بدنيتي مرتين ..
مرة بليلة التقت عيني بعينك ..
وإبتدى حب كبير ..
والثانية هذا المساء ..
يومي مشيت لمثواي الأخير ..
وبالمرتين ..
كنت معي ..
وقلبي معك ..