من روائع عبدالله مرهب
ياهيييييييييييه ياللي تعيش العالم الراقي=وذوقك بكفه وذوق النـاس فـي كفـه
تكشخ بغالي ولا تنشـد عـن الباقـي=وأنـا حـدودي مـن البسـام للدفـه
وتسكـن بفلـه وخدامـه وسـواقـي=عايش حياتـك بعـز وجـاه ومرفـه
وأنا الضحيه ورزقـي عنـد رزاقـي=وركاب حظـي تقافـى عنـه منكفـه
لو ضاق جيبي وسيع البـال ماضاقـي=وان زاد حملي ضحكت وقلـت ياخفـه
مغنيني الله بطيـب الـراس وأخلاقـي=والرابح اللي يحصـل بالهـوى شفـه
والحسن طاغي وحكمه ريس عراقـي=والشعب قلبي وانا محكوم فـي صفـه
مشتاق اشوفك ورب البيـت مشتاقـي=هات البشاير عسانـي فـارس الزفـه
ضايع بدونك قبـل ماأبعثـر أوراقـي=ضياع ياسر علـى تقسيمـة الضفـه
ياعين حر(ن) على المشراف تواقـي=صفة هدبها جموع جيـوش مصطفـه
في غيـم خـدك أخايـل كـل براقـي=لبـا جبينـك ولبـا الخـد والشـفـه
لون الشفايف وميضه داخـل أحداقـي=أصطب جيب(ن) كرس مع زوية اللفه
جيتك مغامـر وراس المـال خفاقـي=وظروف وقتـي عليـه اليـوم ملتفـه
هديتي لك وكـاس الحـب وأشواقـي=وان جاك ضايق بصدرك طالبك ضفه
حنـان قلبـك وخـل الباقـي الباقـي=دامك بكفه وبـاق النـاس فـي كفـه
أنت غير مسجل في منتديات ليـــال . للتسجيل الرجاء اضغط هنـا 
العالم الراقي 
العرض العادي
